新年快樂
又一年了. 今年新年是星期日, 不用上班, 真是很好!我們星期四搬屋了, 搬回了去Remuera! 因為大肚, 今次所有東西老公都一手包辦. 真係辛苦晒佢呀!! 仲有就係要多謝晒老爺,奶奶,姑仔同Eddie既幫忙呀~~無佢地幫忙, 真係唔知整幾耐呀!! 亦都要多謝daddy mummy 比我地系呢段日子Stay返屋企，做大食懶呀！
搬左入新屋仔幾天, 真的覺得無買錯屋, 好舒服呀!! 老公一定好開心又可以唔使塞車返工! 而家可以安安樂樂等仔仔出世喇! 不過之後果幾個月又要辛苦老公喇!!因為我唔會返工幾個月, 收入減少左，但支出很大! 不過老公, 我放完產假就會努力工作同照顧仔仔架喇!! 錫晒您地呀!
講開仔仔, 早陣子仲講緊自己幾好彩,無唔舒服, 無morning sickness, 無cramp, 簡直就正常人一個. 點知再做 Glucose Tolerance Test就驗到我有gestational diabetes, 要轉去Auckland Hospital既speical team, 而家仲要一日篤手指四次驗血呀!! 不過為左仔仔我一定會乖的!仔仔最近真係郁多左好多呀，成日都感覺到佢，Midwife話佢頭仔識得轉落去添呀，好可愛呀！仔仔將會留系我身體入面多兩個多月，真係要好好珍惜同記住佢系入面呢種感覺！！
今日唔只係農曆新年, 仲係情人節, 不過係唔係情人節, 只要我地開開心心, 日日都係情人節喇!! 識到老公抓真係一件好幸福的事, 而家有埋小ｂ，真係覺得好滿滿呀！老公, 多謝您，我愛您!
