Part 1 – 我們的大喜日子 (6)
換完衫補完粧，匆匆的吃了翅，就趕快要準備敬酒了。
敬酒期間，老公有一臺朋友竟然溝了一杯酒準備要灌老公了，但伴郎當然很識做地幫老公"頂"了喇! 幸好無人要我飲呢…
敬完酒之後呢，就有一個有獎遊戲給家賓們玩的。當日o係太陽報入面，就登左以下呢段啟示
而遊戲玩法就是每臺都會派兩份太陽報，最快找到啟示而又打得通電話的賓客那臺就可全臺有獎品喇!反應都唔錯呢!
中了獎，當然上台喇~~
之後呢，因為MAU只會o係十點九前化最後一個粧，所以我就覺得是差不多時間去換最後一套衫了....點知原來o係我入左新娘房之後，兄弟姊妹們就開始預備一個我完全不知情的環節
派玫瑰花??
小朋友都有??
當我換完衫出黎既時候，mc就叫我上台，心諗"唔係咁多人面前玩新娘呀?"....
果頭個念頭一出，呢頭MC就話要叫我閉目一陣喎~~~
突然間，有人拍我膊頭呀~~一睜開眼見到的，就是我老爺拿著支花送比我...
跟著有奶奶喇，姑仔喇...接著都係不停有人上台送花比我，場面好sweet，好感動呀!!
輪到小朋友喇~~
連BB都有份呀!!
真的很多呀~~拿也拿不住呢!!!要請我的伴娘及友人幫忙才可!!
當然唔會少得爹地媽咪份喇!!
跟住MC就問我，知唔知收左幾多支花，初初有d猶豫，但長長久久，我估係99支~~~
真的很感動呀~~多謝每位上台獻花給我的你們帶比我一個大驚喜~~~~
MC話未完的，叫我再閉上眼睛.....
今次，我聽到的，是老公的歌聲"從此以後....無憂無求......"感動死了~~~
老公就這樣走到我面前，送給我的，除了是第100支花，還有是一隻很閃的鑽石戒指。老公在大家面前說，因為2005年3月19日對我許下那個一生一世承諾時，並沒有一隻proper些的求婚戒指(哈~~~~那隻都很proper喇!!)所以就趁著這個機會，把它送給我~~~
那刻真的感動得哭起來了。老公真的很錫我呀~~~還安排了這麼難忘的一個婚禮給我，我真的覺得我好幸運!最幸福的是我了~~~老公，我愛您呀!!!!!!!!
老公為我準備的100支紅玫瑰，放埋一齊真的很震撼呢!! 真係好靚!!
當然，要多謝所有幫忙organise 我們婚禮的兄弟姊妹親友們喇!!沒有你們，一切也不會這麼完美，這麼順利!!
終於要送客了，希望大家都enjoy喇~~多謝晒賞面呀!!
Labels: Our Wedding
Part 1 – 我們的大喜日子 (5)
隨著悠悠的March In音樂”Canon in D”響起，在噴霧的包圍下我們入場喇!!
迎面的，除了是賓客和掌聲，還有不斷飄落的玫瑰花瓣，感覺好溫暖呀!!
在全場關了燈及在被大光燈照著的情況下，每步都真的要行得很小心呢!
上到台上，當然就是進行切餅儀式喇!!今次係切dummy cake…唔食得的了…
唔少得就是合巹交杯，hehe，又幾合拍喎!
當然亦要同在坐各位乾杯喇! “各位來賓飲杯”!!
跟住老公就致詞喇! 講得好好，好大體呢!! 爹地媽咪老爺奶奶都上到台上!
爹地和老爺都分別給我們說了些話。
爹地就給我們說婚姻之道，要互讓互諒，要好似佢同媽咪咁喎~~~(要好似佢咁咁錫老婆，哈哈，引來全場大笑。)
老爺呢，就希望我地快d生番對籃球隊~~(又引黎全場大笑喇)
當然要不忙感謝他們喇，我們都準備了花束送給兩位媽媽! 給每人一個香吻就當然唔少得喇!!
未完架，仲要請埋o係我地婚禮籌備時幫了我們好多手的何生何太上台(hee，乃Ericson 表姐表姐夫), 多謝他們的幫忙和提點。
我和老公可以入席喇!!
我只是吃了乳豬便又匆匆跑回新娘房換衫了。
Labels: Our Wedding
Part 1 – 我們的大喜日子 (4)
好喇，輪到晚宴喇~~
果晚真係好忙好緊張呀，首先就係同親戚影傳統既合照喇!!之後到大約七點幾，我就換左條藍色晚禮服，繼續影相。換衫有段小插曲的，因為我所有的晚禮服(包括婚紗)都要有鋼紗在底的，但鋼紗被漏了在酒店房，搞了好一陣之才拿得到呢!當時在新娘房的我就開始發脾氣呢，發了媽咪脾氣真的覺得充滿歉意呢~~:$~~其實跟本跟媽媽沒有關係的，但我就是當時很紊亂呀~~~
之後呢就有個切結婚蛋糕儀式
當然不少得要招待來賓
Reception的一角
跟住就不聽停影相，當時我真的很擔心呀!! 因為不停要影相，開席時間就一路要延遲……我當然諗，要幾時先開得席呀? 幸好當時Marco Polo 的員工及banquet manager同我講話正常係要九點先可以開席的呀~~~這樣才令我沒那麼緊張呢!
當晚招待賓客的酒水當然唔少得喇 !!
入席喇入席喇!!
家賓就o係坐定定之後看我們的兒時片段…
而我和老公就o係出面乖乖地坐，等入場喇!!! 好緊張呀!!!!真係要試過先知~~~
Hee…感動的一刻…留待下次揭曉~~~(TO BE CONITNUED)
…唔知到幾時先開始寫我的日本之旅呢……
Labels: Our Wedding
結左婚一個月喇!!!
今日係一月十八日
這麼快就一個月了，但比起往後我們將會一起過的日子，這不過是一個小數點吧 :)
Part 1 – 我們的大喜日子 (3)
之後我地就去左尖東海旁影相喇~~果日真係天公做美呀!!雖然真的很冷，但見到個天咁藍，真的心情更好，更甜美呀!
我老公真係好型呀~~~~~
鐘樓下的我們
老公的閃閃鞋呀~~
呢張相唔知點咁呢~~目無表情
跟住我地就要上酒店房換衫，要斟茶比老爺奶奶及男家的親戚喇~~
嘩~~~好重呀~~~
(今日唔打咁多喇，眼訓喇，TO BE CONTINUED…still)
Labels: Our Wedding
