Yes It's Coldlime

Saturday, March 15, 2014

窩心一事

話說阿仔見到書房有隻蜜蜂(死左架喇）...

Ryan: 媽咪, 有蜜蜂係地下呀!
我: 呀, 媽咪好驚呀!
Ryan: 媽咪唔使驚!

之後阿仔用九秒九時間沖左去拿紙巾，　再沖返入書房捉走隻蜜蜂去垃圾桶！！！

好感動，　阿仔話佢會保護媽咪架！！

Labels: Baby Ryan

Sunday, July 01, 2012

Second Hair Cut

Ryan had his 2nd hair cut in life. He seems to be ok with the concept.

Labels: Baby Ryan

Saturday, June 23, 2012

Password

I wouldn't expect a two year old to remember passwords, but Ryan already know the password to the iPad and my computer...well done done.

Labels: Baby Ryan

Wednesday, June 20, 2012

Little man's drawing

Your drawings are the best in the world in my eyes little babe :)

Labels: Baby Ryan

Sunday, June 17, 2012

Ryan 仔

小傢伙兩歲了...

最近開始了他的daycare生涯, 有點不捨, 但總要跟別的小朋友接觸一下的!
說來紐西蘭的daycare很昂貴

現在的少爺仔很多話說，很可愛的說 :)

Labels: Baby Ryan

Wednesday, July 21, 2010

又打針

仔仔剛剛三個月大.今日又帶左仔仔去打針, 希望佢今晚無上一次那麼辛苦喇~~

時間真係過得好快~~就返工了, 好唔捨得仔仔, 再唔可以日日對住佢喇~~希望佢唔好唔記得媽咪喇~

Labels: Baby Ryan

Wednesday, June 23, 2010

Sleep Thru 疑雲

前幾日話緊Ryan夜晚開始訓5-6個鍾頭, 琴晚佢訓左成七個鍾呀!!! 好犀利呀~~唔知係咪即係戒左夜奶喇???

仲有今朝食完奶奶佢好多野講呀~~~好可愛呀~~

Labels: Baby Ryan

Sunday, June 20, 2010

多動靜~

Ryan is 2 months and 3 days old.

仔仔最近又多左新野, 同佢玩佢會笑, 同佢講野又會答返我地. 玩mobile會用手手搞d公仔.

仔仔仲meet左唔同既bb, massage class 既 bb同 Alice 既bb Issac. 亦都 meet左媽咪的朋友仔, 佢每次見人都會好乖, 唔扭計架!

而家我日日都同仔仔massage, 佢好似好開心甘~~

仔仔你越黎越可愛喇!!

Labels: Baby Ryan

Thursday, June 17, 2010

兩個月大喇

仔仔兩個月大喇!

bb兩個月的變化真的很大! 重了很多亦都完全唔同樣了.

最近仔仔開始夜晚訓耐左, 終於可以訓多d. 不過都仲會飲夜奶.

仲有就係個樣大個左好多同埋多左好多野講! 不過我地聽唔明呀~~

希望佢健健康康甘快高長大喇!!

Labels: Baby Ryan

Wednesday, June 02, 2010

擔心

仔仔六星期大了. 昨日帶了仔仔去打疫苗,晚上6時左右仔仔開始發燒, 不停喊, 一定很辛苦了. 心痛死我同老公. 成晚擔心唔知會唔會有事. 幸好今早他好像好了過來.

Labels: Baby Ryan

Tuesday, June 01, 2010

笑喇笑喇

呢幾日仔仔開始笑得好開心喇~~同我地玩又識笑, 玩玩具有開心到笑, 好甜好可愛呀~~~

原來做父母見到自己小朋友開心係一種那麼大的喜悅~~

We love you Ryan!!

Labels: Baby Ryan

Sunday, May 09, 2010

母親節快樂!

今年既母親節我有份喇! 知道點解要多謝母親,因為做媽媽真係好偉大架!

祝所有人天下母親都快樂,身體健康!

仔仔又有新野喇! 前兩晚好似好唔舒服, 嚇死我地呀! 不過仲未知點呀, 要等blood test results....

仲有, 仔仔除了屎屎要舒服先柯之外, 尿尿都變成左會換片片就柯呀~~阿仔你真係令到Daddy, Mummy 好忙呀!

希望過多年你會識畫下卡仔比媽咪喇! We love you !你係最可愛既bb呀!

Labels: Baby Ryan

Thursday, May 06, 2010

擔心

今日帶左阿b去睇醫生. 佢成晚都訓得唔好又好似呼吸唔係好得!

原來做父母真係會好擔心小朋友的!!

Labels: Baby Ryan

Monday, May 03, 2010

bb叫呀!!

琴晚我同老公幫bb換片之際, 聽到佢叫 " AH GU" ...haha, 好得意呀!

Labels: Baby Ryan

Friday, April 30, 2010

做媽媽的感想

仔仔今日已經係十三日人仔喇! 做左媽媽發現做父母真係好偉大架, 突然簡所有野都係bb行先. 不過滿足感大於一切, 只要見到自己小朋友, 就會好開心. 小朋友真係會帶比人好多歡樂架! 好多晚我同老公不停幫仔仔換片, 仔仔好鍾意換完片好乾淨就再去大大, 哈哈, 我地每次聽到都會對望而笑, 因為便左習慣同真係好可愛. 唯一就係學會狠心點, 不要習慣整日把bb抱著.

Labels: Baby Ryan

Saturday, April 24, 2010

仔仔臍帶

仔仔臍帶琴日甩左喇！！

Labels: Baby Ryan

仔仔的頭一個星期

那麼快便一個星期了, 上星期呢個時間仔仔先剛剛出世.

好喇, 講下呢個星期既湊仔經喇!

生完仔仔既第一日, 真係好累呀, 成二十多個小時無訓過, 仲要剛剛生完仔 . 還好的是仔仔也很眼訓, 我想生產過程對佢黎講都好辛苦呀! 而仔仔呢一日只係要好少既初乳 (1-2ml) , 所以可以休息下. 不過真係有d唔習慣. 我亦都叫大家快快回家休息!

第一晚由於仔仔還累, 所以不算太辛苦. 亦都開始要學幫仔仔換片片. 要每次餵奶前check下，　每三個鍾就要餵一次奶，　開始左我每幾個鍾就起身一次既生涯．　做媽媽好偉大呀！！

第二日，　仔仔有得沖涼喇，　好舒服呀！到左第二晚，　間直無得訓，　BB 成晚喊扭計要食奶呀！！醫院話BB 係會在第二晚特別要食好多野的，　因為BB發現自己再唔係媽咪個肚入面，　唔再舒服，　要自己去食野，　無安全感，　所以唔settle．．．我勁唔開心呀，　好無助，　加上晚更個Midwife態度勁差，　覺得我樣樣都唔識．．．加上傷口痛，　＞＜好辛苦的一晚．．．．

第三日一早我就問可唔可以返屋企．．．BB check 完晒耳仔，　驗完血，　打埋BCG針就all clear to go home la !!! 原來所有BB都有本Well Child book, 一路record BB 既health ga. 第三晚，　老公仔就開始左同我一齊過呢種每兩三個小時就起一次身既生活，　從此我地就不停餵奶，　換片，哄仔仔訓．．．仔仔仲鍾意換完片片先再去便便，　哈哈，　所以有時一小時要換兩三次片．　

之後既幾日都係差不多喇，離唔開餵奶，　換片，哄仔仔訓．幸好媽媽每日過來幫仔仔沖涼，　煮野我地食，　同埋奶奶煮lunch 比我，　唔係真係唔知點好．　不過最唔鐘意坐月唔可以用Shower, 要用薑水沖涼！！

Anyway, 呢個星期過得好快好快，　不過又好開心日日望到仔仔．我地亦都開始上手，　適應了有左仔仔既生活模式．　好滿足　＾＾

Labels: Baby Ryan

Friday, April 23, 2010

生產過程

返左屋企幾日, 終於可以寫下生阿仔既過程喇!

話說我上星期三(14/4)去做產檢, 照完scan個醫生話我血糖仲有d高, 要即刻催生! 本來星期四(15/4)晚就要入院，　但係因為有個Emergency 既人要我個slot, 就改左星期五朝早(16/4)．　

7am入院，check左有一度，　放藥開子宮頸，其間不停行來行去，　上落樓梯，　希望可以幫仔仔落多ｄ，呢段時間既痛楚係非常之少，　心想都沒有問題　等到下午話開夠三度，　穿左羊水(其實未．．．．), 六點入產房．　入到去講解完一輪，　就落藥開始催生喇！

落左藥幾小時，　我仲係未感覺到所謂的陣痛，佢地加重ｄ藥都係無分別，Midwife開始覺得奇怪，　原來未完全穿羊水，　接著Midwife人工穿水，　真係好多胎水呀！！！　跟住就入戲玉了，　陣痛二十級數！！！人地話催生會比自然痛，　我仲要落重藥，　突然間痛到傻左！！！好恐怖呀！！跟住有醫生入黎話叫我打Epidural, 唔係有排我痛～～～所以最後我係有打止痛的～～～

打完止痛大約２０分鐘左右喇，　真係唔痛喇～～好神奇既藥呀～～～跟住就係等子宮口開夠度數生仔喇！！等到大約兩點三喇, 開到十度喇, 可以push喇!我push 左好耐呀～～初初因為無左知覺，　都唔知幾時push幾時唔push，點用力都唔知，真係覺得自己會生唔到架喇，又用到一個好似廁所既Birthing Stall, 好似有ｄ幫助，到左後來有返所謂急既感覺，開始知道點push，仔仔就出左世喇！！！出世時間已經係17/4既早上喇．

紐西蘭好注重bb出世要同媽咪有skin to skin contact, 所以臍帶都未剪仔仔就被抱到我胸口. 真係好難忘既一刻呀~~係我身體入面九個多月既仔仔終於係面前, 佢好暖好可愛呀~~仔仔仲第一時間係媽咪到便便同尿尿添呀！！跟住唔少得爸爸既重任, 剪臍帶呀!!仔仔跟住就要做一連串既檢查, 再返黎我身邊就要比佢食我d初乳喇!

好感激老公一直都係產房陪著我，　對老公來說，　真的是很intensive 的一日．　當然仲有媽咪同奶奶喇～我知道媽咪睇到我辛苦好心痛呀～～我無野喇，　要你擔心～～我而家都成為左人地媽咪喇!!體會到你生小朋友有幾辛苦!

仲有係爸爸同老爺都係產房出面等左成晚呀！！

Labels: Baby Ryan